حلم مصرى بيحب بلدة ام الدنيا

احلم كأى مصرى بالخير دائما لبلدى وكثيرا ما حلمت باشياء تبدو مستحيلة ولكنها عندنا نحن المصريين لاتوجد مستحيل فقلنا قديما مستحيل لانسان ان يطير ومن صدق ذلك قلنا علية مجنون واليوم كلنا استخدمنا الطيارة وطرنا وقلنا يوما ما ان من المستحيل الخروج من الارض وخرجنا للكواكب الاخرى وقلنا ان الارض مسطحة واكتشف العلم الحديث انها كروية طبعا بعد ان ذكرت فى القران وهذة معجزة لديننا الحنيف اما اليوم الموافق 26-2-2009 فاقول لكم ولن تصدقونى وسيدهش كل من يقرأ هذا عن مصر فأنى احلم بما يلى واسال اللة تعالى ان يوفق ابناء مصر لتحقيقة بالتالى : 1- الاهتمام بالعلم الحديث وتكريم العلماء من خلال انشاء صندوق من رجال الاعمال ومن الحكومة وبدعمها لتطبيق براءات الاختراع المكدسة التى لاتلقى الاهتمام فى معاهد البحوث المصرية والتى من الغالب يستعمل ورقها للتدفئة ايام الشتاء ( عيطوا شوية بقى كفاية نوم). 2-استخدام مياة النيل وتحويل فرع مجرى النيل الذى يصب فى البحر المتوسط الذى يهدر الكثير من المياة بلا نفع علينا تحويل مجرى النيل لكل من الصحراء الغربية والشرقية والاستفادة الجادة منها وليس بيعها لرجال الاعمال الذين سيدمرون المشروع قبل بدايتة ببيعة اراضى بناء ليربحوا هم ونحن نزداد فقرا 3-سيكون فى كل بيت ماسورتين للمياة الاولى لمياة الشرب المنقاة تماما والاخرى للاستعمال اليومى من استحمام وغسل الاكل والمواعين وغيرة ورش الزرع والشوارع (هذا وايضا لرشها على الحبيبة اللى فى الشارع بدل ماترش البنات علينا مية وسخة ولا سخنة) وللعلم فان ماسورة مياة الشرب تكون فى تمام النقاء والاخرى صالحة للاستخدامات الاخرى اى ليست منقاة تماما وايضا ليست ضارة بتاتا وهذا لتوفير اموال الدولة التى تهدر على نقاء المياة ونحن نسرف فى استهلاكها بلا اهتمام 4-يكون هناك لكل مسئول بعد فترة ولايتة وانتهائها محاسبة حتى لاتسول نفس كل شخص سرقة مقدرات هذا الشعب لان المال السايب يعلم النهب واللهط والشفط 5-فى السجون مايبقاش المساجين زى تنابلة السلطان اكل وشرب ونوم يكون فية شغل وشغل وشغل عشان يحرم يدخلة تانى يشتغل اى حاجة مصر محتاجاها اى حاجة المهم انة يتربى وخلاص ومايبقاش اللى مش لاقى نومة يعمل اى مشكلة عشان يخش السجن وينام فية 6-نزرع فى قلوب ولادنا حب بلدنا وعشقها ونعرفهم تاريخنا ونوفر لهم حياة كريمة ودة مش حيجى الابتحديد الزيادة السكانية وذلك بتطبيق قانون افترض انة اى طفل ثالث يتكفل الاب بمصاريفة كاملة ولا يوجد دعم تعليم ولا صحة ولا اى شىء (مش يخلفوا ويقولوا لنا اصرفى ياحكومة )7-توفير صندوق للزواج فان هذا الصندوق يقرض الشاب المقبل على الزواج بدون ربا ويسدد حسب ظروفة والمعدوم الدخل لا يطلب منة السداد بل تكون منحة 8-توفير البنية التحتية للعيش فى المناطق النائية والامتداد العمرانى التدريجى نحو الصحراء لتخفيف الضغط على المدن السكانية ذو الكثافة العالية 9- اعضاء مجلسى الشعب والشورى والمجالس المحلية لاينتخب ولا يقبل ترشيحة الا من يحمل شهادة عليا تؤهلة لتحمل مسئولية منصبة وبعد انتخابة ياخذ دورة تدريبية عامة تشمل التجارة والصناعة والعلم ونواحى اخرى حتى يعى ما سيقررة من قرارات تؤثر على مصير هذا الشعب ومقدراتة (اى على الاقل طالما ان التعليم مبقاش لة لازمة دلوقتى ولا قيمة يبقى اقل حاجة نحس اننا بنتقدر بيها اننا نتعين للمجلس بدل ما عمرنا يروح هدر ولا شغل ولا وظيفة ولا حتى كلمة شكرا) 10-تطوير مناهج التعليم فى كل مراحلة مع اضافة شىء هام الا وهو تعليم الانجليزية مادة اساسية من الصف الاول الابتدائى ولكن بحرفية وكذلك اضافة لغة اخرى منذ الصف الاول الاعدادى يختارها الطالب ترافقة حتى التخرج من الكلية (بعد عمر طويل طبعا) وذلك لانى ارى اننا بحاجة الى لغتين لتطوير لغة ابنائنابحق وكذلك تلقيح المناهج مما هو مط وشد ونفخ وكذلك ان نجعل المناهج ما يفيد ابنائنا ولايعقدهم ويفسد تفكيرهم اى المفيد وبس بلاش حاجات تافهة مالهاش لازمة( يعنى اروح للبقال اقولة عايز 2 كيلو لوغاريتمات والنبى وطبعا حيكون حلو قوى لو مش شال الميزان و كسر بية راسى وقالى خد اللى انتى عايزة واوزنة يا ابو بغاريتم قال) 11-لية مانمنعش العربيات الخاصة ونهتم بالمواصلات العامة ونزودها ونجددها من مترو واتوبيسات بالاضافة لميكروباصات حكومية وليست خاصة وكذلك شىء اخر طول ما الغنى راكب عربيتة عمرة ما حيحس بالفقير ولا المحتاج 12-اهم شىء يكون فية تفرقة بين الغنى والفقير يعنى الغنى والفقير دلوقتى بيشتروا الغاز والبنزين والاكل والعيش وغيرة وغيرة وتكلفة تليفون وتكلفة مية وكهرباء وغيرها كتير بيشتروها بنفس السعر بعنى الحكومة بدعم للغنى والفقير لية مايكنش فية تفرقة يكون الغنى الخدمات بتاعتة بسعر والفقير بسعر عشان نوفر فلوس بلدنا اللى رايحة على الدعم على الفاضى لاالغنى بيشبع منها من كتر الطمع ولا الفقير بياخدها ويحس بيها 13-مصر محتاجة كتير وكتير وعندى احلام اكبر واكبر لها لانها بلدى وكل ما لية هى بلدى مصر